Cerkak Kemahku

Kelompok 4 :

1.     Ida Ariyanti                      (19)

2. Ika Puspitasari         (20)

3. Imapul Putri Rina A. (21)

4. Inayah Ngesti R.       (22)

5. Indri Wulandari        (23)

6. Intan Ayu Paramita  (24)

Kelas : XII OTP 2

Cerkak

Kemahku

Ing sekolah pelajaran lan kegiyatane dianakake kanggo ningkatake sikap lan kepribadene siswa supaya luwih becik, kayata kegiyatan Kemah Pramuka. Kegiyatan Kemah iku uga kegiyatan rutin kang mesti dianakake ing saben sekolah mengengah ing Magetan. Sadurunge ngawiti kemah aku melu apel pembukaan lan ngibarake bendera pramuka ing lapangan desa Sumber Dukun. Kemahku iki dianakake ing desa Sumber Dukun Ngariboyo magetan. Sakwise apel iku aku lan konco konco ngedekake tenda sing digowo. Pas ngedekake tenda aku lan kanca-kanca diewangi  kaliyan kakak-kakak  pembina pramuka. Sakwise ngdekake tenda aku lan kanca –kanca nata barang ing njero tenda lajeng leren karo mangan jajan sing wis digawa saka omah.  Kira-kira wektune wis jam 09.00 kegiatan sakbanjure yaiku masang Tenda Dapur kanggo masak suwine 3 dina ing kemah iku lan uga kanggo kegiatan lomba masak.  Kegiatan lomba masak iku dianakake ing kemah dina kesiji,lomba iku dianakake sekitar jam 11.00. ketentuan ing lomba masak yaiku gawe panganan saka bahan telo rambat. Ing lomba masak iku reguku masak kolak telo dicampuri gedhang.  Bar kegiatan lomba masak wetara jam 11.30 leren ing tenda karo sholat dhuhur ing mushola sekitar lan sing ora sholat masak kanggo mangan awan sak regu.  Sakwise sing sholat rampung aku lan kanca-kanca mangan bareng ing njero tenda.

“Kepriye masakanku cah, enak opo ora?” Indri takon marang kanca-kancane

“Enak kok Ndri, tapi rasane kepedesen awakku sampek gobyos.” Ika nanggepi pitakone Indri.

“Lho  mosok to Ka??”

“Tapi pedese iki enak kok Ndri, mantep tenan.” Inayah nanggepi Indri.

            Wektu istirahat bubar, terus dilanjutake kegiyatan Lomba Semaphoredance kang dieloni marang kabeh peserta kemah iku. Ing lomba iku pesertane padha kreatif lan kompak gerakane.Saben kelas diwakili 9 bocah,lan bocah liyane lungguh ing pinggir e lapangan karo nonton penampilan peserta lomba semaphore dance, swasana ing kegiatan lomba iku rame,nyenengake,lan kegiatane  meriah.

“Ayo cah lungguh ing kene karo nonton perwakilan kelas 11 OTP 2, karo disemangati cah ayo.” Kandhane Inayah marang bocah liane.

Ing lomba Semaphoredance iki, pesertane padha gunakake atribut kang rena-rena kayata bendera Merah Putih, Stiker bendera Merah Putih, Flare Asap lan sapanungglane. Sakwise kegiyatan iku, wektu manjing wayah sholat ashar, banjur aku lan kanca-kanca siap-siap adus lan nglaksanakake shalat ashar ing masjid. Bubar shalat ashar lan resik awak/adus, banjur adzan magrib wis dikumandangake peserta kemah lan kakak pembina pramuka padha njupuk banyu wudhu banjur nglaksanakake sholat magrib berjamaah. Sholat magrib iku dianakake ing tengah lapangan kang wis digelari tikar. Sholat maghrib iku dilaksanaake ing lapangan Sumber Dukun lan diterusake sholat isyak berjamaah,nanging sak urung e sholat isyak aku lan kanca-kanca bebarengan maca surat Yasiin.  Sakbanjure kegiyatan sholat jamaah aku lan kanca-kanca mbalek ing barak/tenda ne dewe-dewe,  padha leren karo mangan bengi. Nalika mangan bengi akeh sing padha nyeritakake kegiyatan kemah iki. Bubar mangan peserta kemah diarahne supaya padha siap-siap kanggo acara kegiyatan pensi. Kelas 11 OTP 2 nampilake pensi Maca puisi sing temane tentang pramuka. Ing kegiyatan pensi iki peserta pensi diwenehi kebebasan kanggo nentokake pensi sing arep ditampilake, saka peserta pensi iku rata-rata akeh sing nampilake puisi lan nyanyi. Aku lan kanca-kanca nonton pensi ing ngarepe panggung, ana sing dolanan hp, mangan jajanan, diendangi wong tuwane, lan uga ana sing lara.

Kegiyatan pensi iku dilaksanaake nganti jam 23.00, banjur acara pensi ditutup peserta kemah diarahake turu amarga sesok isuk isek ana kegiyatan liyane.

            Sinaring srengeng nembus kaca botol kaca ing pinggiran lapangan ing dina keloro kegiyatan kemah iku, kegiyatan diwiwiti ngelakokake senam isuk bareng. Kabeh peserta kemah lan kakak pembina pramuka melu gerakan senam kang dilasanakake ing lapangan. Gerakan senam iku gampang banget diterokake lan lagu pengiringe mathuk lan disenengi akeh uwong.  Sakwise rampung senam banjur dilanjutake kegiyatan masak, saben kelompok padha masak kanggo sarapan bareng. Senajan masake nganti kebuleken keluk geni nanging aku lan kanca-kanca tetep seneng amarga iso guyon lan crita-crita bareng rikala masak bareng iku. Sakwise rampung sarapan, wetara jam 09.00 peserta kemah dikumpulake lajeng ngelanjutne kegiyatan yaiku kegiyatan “Penjelajahan”. Penjelajahan yaiku kegiyatan kang dilakoni dening kabeh peserta kemah kang mlaku wiwit panggon kemah ngeliwati sawah, ratan,  omah-omah wong sekitar lan uga ing Kali Pleret Ngariboyo. Nalika ing perjalanan penjelajahan iki aku lan kanca-kanca uga bocah liane wis siap gowo perlengkapan sing bakal dibutuhne kayata banyu putih, klambi ganti lan jajan kanggo wayah leren. Penjelajahan iku biasane diwenehi pirang-pirang pos, pos iku gunane kanggo leren peserta kemah lan  nguji pengetahuane peserta babagan pramuka. Pungkasane penjelajahan yaiku Kali Pleret, ing kono peserta kemah dirahne supaya jegur ing pelurutane Pleret. Nanging akeh bocah sing ora gelem nyemplung ing Kali Pleret iku, amarga ora bisa renang lan wedi  ndelep ing kali iku.

            Sakwise acara jegur-jeguran ing Pleret rampung, banjur pesrta kemah mbalek ing panggon kemah kanthi mlaku bebarengan. Bocah-bocah kang wis jegur ing kali awake teles kebes banjur teko panggon kemah langsung adus lan ganti klambi. Sabanjure kegiyatan Penjelajahan iku, peserta kemah padha nindakake shalat dhuhur ing masjid lan uga dilanjutake yaiku kegiyatan Lomba Pionering. Saben regu kelas wajib nyetorake perwaakilan bocah kang bisa gawe kreasi Pionering utawa tongkat pramuka iki. Wektu kanggo ngerampungake Pionering ditentokake panitia kemah yaiku 1 jam lan kudu bisa rampung anggone ngerampunngake gawe Pionering. Nalika lomba Pionering, kanca-kanca kang ora melu lomba iku padha leren ing tendaa lan ana uga kang turu awan.

“Penjelajahan mau nyenegake lan seru ya cah?”. Ida takon marang kanca-kanca ing jero tenda .

“ Bungahne nanging ya ngeselake sikil lan aawak.” Intan nyauri pitakone Ida.

“Iyo sikilku iki yo kemeng kabeh rasane, ayo turu wae leren sek, pumpung ana wektu leren.” Ida ngajak kancane leren turu.

Sakwise lomba Pionering rampung, panitia kang badhe menehi biji marani hasil Pionering lan uga langsung dibiji. Wetara 15 menit menehi biji kanggo Pionering iku, panitia banjur ngumumake Pionering kang dadi juara 1, 2 lan 3. Ora dinyana regu kelasku dadi juara 3, aku lan kanca-kanca padha bungah lan seneng.

            Nalika lomba Pionering iku bubar, adzan ashar uga nyuoro saka masjid kang cedak ing lapangan kemah, banjur peserta kemah padha budal ing masjid kanggo ngelaksanakae shalat berjamaah. Srengenge kang wis awit medun, nandakake wayah shalat magrib badhe enggal dilaksanakake. Jam setengah 6 kakak-kakak pembina lan peserta kemah padha nindakake shalat magrib berjamaah lan uga dilanjutake maca Yassin lan pungkasane nindakake shalat isyak. Sabanjure rempung shalat kakak pembina padha nyiapake peralatan kanggo kegiyatan Upacara Api Unggun. Wetara jam 8 bengi aku lan kanca-kanca banjur baris kang rapi miturut regune. Sakdurunge Upacara Api Unggun diwiwiti, ana gladi resik supaya nalika upacara iso kelaksanan kanthi apik lan maksimal. Upacara Api Unggun diawiti kira-kira jam setengah 9 nganti jam 10 bengi. Sakwise upacara peserta ang   kang lanang uga gawe bunderan kang ngubengi Api Unggun kaliyan nyanyi bareng. Kanca-kanca  liya akeh kang foto-foto, guneman/ jaduman, lan ana kang diendangi wong tuwane. Kegiatan sabanjure iku yaiku hiburan kang ditampilake yaiku rena-rena contone yaiku akeh kang nampilake nyanyi ing dhuwur panggung. Bubar hiburan kira-kira jam 12, aku lan kanca-kanca padha menyang tendane dhewe-dhewe lan uga padha langsung turu.

            Ing pungkasane kemah yaiku dina ketelu wayahe aku lan kanca-kanca mulih menyang omah, rasane uwis ora sabar lan seneng banget. Sakdurunge subuh aku lan kanca-kanca uwis padha tangi, amarga arep nindakake sholat subuh berjamaah. Sakwise bubar sholat subuh dianakake kegiyatan senam bareng ing lapangan, senam dilaksanakake suwene 15 menit. Sakwise senam aku lan kanca-kanca adus ing omahe masyarakat ing sekitare panggon kemah. Kegiyatan sakbanjure yaiku resik-resik tenda, mbungkari tenda dapur uga nata lan ngresiki barang-barang sing digowo. Aku lan kanca-kanca banjur nyiapake barang-barang kanggo persiapan Baksos, kayata mie instan, beras, lengo lan kecap kang uwis diwadahi kresek. Barang-barang Baksos iku banjur dibagekake marang masyarakat sekitar kang sekirane ora mampu. Sakdurunge kegiyatan kemah rampung dianakake upacara penutupan dhisik. Upacara penutupan lan gladhi upacara penutupan dilaksanakake suwene 20 menit. Sanajan upacara penutupan iku kalaksanan nalika srengenge kang lumayan panas, nanging upacara iku tetep nduweni kesan rasa bebarengan. Bubar upacara penutupan aku lan kanca-kanca ora lali kanggo foto-foto bareng supaya nduweni kenangan nalika kemah iku. Wetara jam 11 awan kemah iku uwis rampung sakabehane lan peserta kemah padha salaman karo kakak pembina pramuka kang diiringi lagu perpisahan. Saka kemah iki aku lan kanca-kanca bisa ngrasakake susah seneng bareng karo kanca lan bisa nglatih sikap disiplin lan rasa tanggung jawab.